ଦୀର୍ଘ ୬ମାସ ପରେ ଖୋଲିଲା କାକଟପୁରର ଅଧିଷ୍ଠାତ୍ରୀ ଦେବୀ ମା’ ମଙ୍ଗଳାଙ୍କ ମନ୍ଦିର

Spread the love

ପୁରୀ/କାକଟପୁର : କରୋନା ଦ୍ବିତୀୟ ଲହର ପାଇଁ ଦୀର୍ଘ ୬ ମାସ ପ୍ରତୀକ୍ଷାର ଅନ୍ତ ଘଟିଛି । ଭକ୍ତ ଓ ଭଗବାନଙ୍କ ମିଳନ ହୋଇଛି । କରୋନା କଟକଣା କୋହଳ ହେବା ପରେ ଖୋଲିବାକୁ ଯାଇଛି ଧାର୍ମିକ ପୀଠସ୍ଥଳୀ । କାକଟପୁରର ଅଧିଷ୍ଠାତ୍ରୀ ଦେବୀ ମା’ ମଙ୍ଗଳାଙ୍କ ମନ୍ଦିର ବୁଧବାର ସକାଳୁ ସମ୍ପୂର୍ଣ୍ଣ ରୀତି ନୀତି ଅନୁସାରେ ସକାଳ ୫ଟାରେ ମନ୍ଦିର ପହଡ଼ ଖୋଲା ଯାଇଛି । ୬ ମାସ ପରେ ପୁଣି ଏକାଠି ହୋଇଛନ୍ତି ଭକ୍ତ ଓ ଭଗବାନ । କୋଟି କୋଟି ଓଡିଆଙ୍କ ଆତ୍ମାକୁ ମିଳିଛି ଆସ୍ବସ୍ତି ।
କରୋନା କଟକଣାରେ ବନ୍ଦ ହୋଇଥିବା ମନ୍ଦିର ଖୋଲିବା ପରେ ଖୁସି ହୋଇଛନ୍ତି ଭକ୍ତ ଓ ସେବାୟତ । ସମ୍ପୂର୍ଣ୍ଣ ନିୟମ ଭିତରେ ଖୋଲିଛି ମା’ ମଙ୍ଗଳା ମନ୍ଦିର ପ୍ରଥମେ ଭକ୍ତଙ୍କୁ ଥର୍ମାଲ ସ୍କାନିଂ ସହିତ ସାନିଟାରୀ କରି ମନ୍ଦିର ଭିତରକୁ ଯିବା ପାଇଁ ଅନୁମତି ଦିଆଯାଇଛି । ମାସ୍କକୁ ବାଧ୍ୟତାମୂଳକ କରିବା ସହିତ ମଙ୍ଗଳା ମନ୍ଦିର ଭିତରେ ବାରିକେଟ୍ ବ୍ୟବସ୍ଥା କରାଯାଇଛି । ସାମାଜିକ ଦୂରତା ରକ୍ଷା କରି ଭକ୍ତମାନେ ପୂର୍ବଦ୍ବାର ପଟେ ମା’ଙ୍କୁ ଦର୍ଶନ କରି ଉତ୍ତର ଦ୍ବାର ପ୍ରସ୍ଥାନର ବ୍ୟବସ୍ଥା କରାଯାଇଛି ।

About the author

Leave a Reply

Your email address will not be published. Required fields are marked *