ନୀଳପଲ୍ଲୀ: କୁଆଡେ କିଛି ନଥିଲା, କାଳବୈଶାଖୀର ପ୍ରଭାବରେ ହଟାତ୍ ଶୁଭିଲା ଘଡ଼ଘଡି, ତାହା ସହିତ ବିଜୁଳି ମଧ୍ୟ ମାରିଲା । ଚାହୁଁ ଚାହୁଁ ଗାଁ ମଝିରେ ଅଚାନକ ହୂତୁହୁତୁ ହୋଇ ଜଳିଲା ନଡ଼ିଆ ଗଛ, ଏହି ନଡିଆ ଗଛ ତଳେ ଥିଲା ଚାଳ ଘର ଟିଏ । ଯାହାକୁ ନେଇ ଗ୍ରାମବାସୀ ମାନେ ଭୟଭୀତ ଥିଲେ । କିନ୍ତୁ ଅଳ୍ପକେ ବର୍ତ୍ତି ଯାଇଛି ସେହି ଚାଳ ଘରଟି । ମେଘ ଘୋଟେଇ ଆସି ଅଳ୍ପ ଟିକେ ବରଷା ହେବାରୁ ନିଆଁ ଟିକେ ଥମି ଯାଇଥିଲା । ଯାହା ଗ୍ରାମବାସୀଙ୍କ ମନକୁ ଟିକେ ଆସ୍ୱସ୍ତି ଦେଇଥିଲା । ଏଭଳି ଘଟଣା ଦେଖିବାକୁ ମିଳିଛି ନୟାଗଡ଼ ଜିଲ୍ଲା ରଣପୁର ବ୍ଲକ୍ ଅନ୍ତର୍ଗତ ନୀଳପଲ୍ଲୀ ଗ୍ରାମରେ ।
ନୀଳପଲ୍ଲୀ ଗ୍ରାମର ମୁସଲମାନ ସାହିର ମସଜିଦ ନିକଟରେ ଥିବା ନଡ଼ିଆ ଗଛରେ ଗତ କାଲି ଅପରାହ୍ନରେ ବିଜୁଳି ମାରି ହୁତୁହୁତୁ ହୋଇ ଜଳି ଯାଉଥିବାରୁ । ଗ୍ରାମବାସୀ ମାନେ ରଣପୁର ଦମକଳବାହିନୀ କୁ ଖବର ଦେଇଥିଲେ । ଦମକଳ ବାହିନୀଟି ନିଆଁ ଲିଭାଇବାରେ ସକ୍ଷମ ହୋଇପାରିଛନ୍ତି ।?
ଏଭଳି ଅନେକ ସ୍ଥାନରେ ବିଜୁଳି ପଡି ନଡିଆ ଗଛ ଜଳିଯାଏଥିବାର ଦେଖିବାକୁ ମିଳିଛି । ତେବେ ନୀଳପଲ୍ଲୀ ଗ୍ରାମରେ ଏଭଳି ନଡିଆ ଗଛରେ ଅଚାନକ ନିଆଁ ଲାଗିବା ଦେଖି ଗ୍ରାମବାସୀ ମାନେ ଭୟଭୀତ ଅଛନ୍ତି ।
