ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶପଥ ଗ୍ରହଣ ସମାରୋହ ପାଇଁ ଦିଲ୍ଲୀରେ ଆଜି ହାଇ ଆଲର୍ଟ ରହିବ। ପାରାମିଲିଟାରୀ କର୍ମଚାରୀ, ଏନଏସଜିନ କମାଣ୍ଡୋ, ଡ୍ରୋନ୍ ଏବଂ ସ୍ନାଇପରଙ୍କର ପରି ବହୁ ଉଚ୍ଚ ସ୍ତରୀୟ ସୁରକ୍ଷା ଏହି କାର୍ଯ୍ୟକ୍ରମ ପାଇଁ ରାଷ୍ଟ୍ରପତି ଭବନରେ ନିୟୋଜିତ ହେବ ବୋଲି ଦିଲ୍ଲୀ ପୁଲିସର ଅଧିକାରୀ ସୂଚନା ଦେଇଛନ୍ତି। ଏହି ସମାରୋହକୁ ନିମନ୍ତ୍ରିତ ହୋଇଥିବା ସାର୍କ ରାଷ୍ଟ୍ରର ମାନ୍ୟଗଣ୍ୟ ବ୍ୟକ୍ତିଙ୍କ ଉପସ୍ଥିତି ଏଠାରେ ଦେଖିବାକୁ ମିଳିବ। ସୁରକ୍ଷା ବ୍ୟବସ୍ଥା ଗତ ବର୍ଷ ଜି -୨୦ ଶିଖର ସମ୍ମିଳନୀ ବେଳେ ହୋଇଥିବା ସୁରକ୍ଷା ସହ ସମାନ ହେବ।
ଶୁକ୍ରବାର ଦିନ ଦିଲ୍ଲୀ ପୁଲିସର ଏକ ସରକାରୀ ବିଜ୍ଞପ୍ତିରେ ଦିଲ୍ଲୀର କିଛି ଉଡ଼ନ୍ତା ଯାନ ଯେପରିକି ବିମାନ, ହେଲିକପ୍ଟର, ବେଲୁନ୍, ଓ ଡ୍ରୋନ୍ ଆଦି ଉପରେ ନିଷେଧାଦେଶ ଲଗାଯାଇଛି। ଏହି ଶପଥ ଗ୍ରହଣ ସମାରୋହରେ ବାଂଲାଦେଶ, ଶ୍ରୀଲଙ୍କା, ମାଲଦ୍ୱୀପ, ଭୁଟାନ, ନେପାଳ, ମରିସସ୍ ଏବଂ ସେଚେଲ୍ସର ବରିଷ୍ଠ ନେତାମାନେ ଯୋଗଦେବାର ସମ୍ଭାବନା ରହିଛି। ସ୍କାନିଂ ଏବଂ ମୁଖ ଚିହ୍ନିବା ପାଇଁ କୃତ୍ରିମ ଇଣ୍ଟେଲିଜେନ୍ସ ଟେକ୍ନୋଲୋଜି ଏବଂ ଅନୁପ୍ରବେଶ ଚେତାବନୀ ପ୍ରଣାଳୀ ବ୍ୟବହାର କରାଯିବ। ସ୍ନାଇପରଗୁଡିକ ରଣନୈତିକ ସ୍ଥାନ ଏବଂ ଉଚ୍ଚ ଅଟ୍ଟାଳିକାରେ ନିୟୋଜିତ ହେବ। ୧୯୯୮ ମସିହାରେ ଗଠନ ହୋଇଥିବା ଜାତୀୟ ଗଣତାନ୍ତ୍ରିକ ମେଣ୍ଟ (ଏନ୍ଡିଏ)ର ଇତିହାସରେ ଆଜି ଏକ ନୂଆ ଅଧ୍ୟାୟ ଆରମ୍ଭ ହୋଇଛି। ନରେନ୍ଦ୍ର ମୋଦୀ ଶୁକ୍ରବାର ଏନଡିଏ ସଂସଦୀୟ ଦଳର ନେତା ଏବଂ ଲୋକସଭା ନେତା ଭାବେ ନିର୍ବାଚିତ ହୋଇଛନ୍ତି। ଏହା ସହିତ ମୋଦି ୩.୦ ସରକାର ଗଠନ ପାଇଁ ପ୍ରକ୍ରିୟା ତ୍ୱରାନ୍ୱିତ ହୋଇଛି। କହିବାକୁ ଗଲେ ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ତୃତୀୟ ପାଳି ।
