୨୦୨୪ ସାଧାରଣ ନିର୍ବାଚନ ଫଳାଫଳ ଘୋଷଣା କରାଯାଉଥିବା ବେଳେ ୨.୪ ମିଲିୟନରୁ ଅଧିକ ଛାତ୍ରଛାତ୍ରୀଙ୍କ ପାଇଁ NTA ଜୁନ୍ ୪ ରେ ନିର୍ଧାରିତ ସମୟ ପୂର୍ବରୁ NEET UG ଫଳାଫଳ ପ୍ରକାଶ କରିଥିଲା। ଏହି ବର୍ଷର NEET ଏକ ଅସାଧାରଣ ଫଳାଫଳ ଦେଖାଇଥିଲେ, ଯେଉଁଠାରେ ଷାଠିଏ ଜଣ ଛାତ୍ର ଅଲ ଇଣ୍ଡିଆ ରାଙ୍କ (AIR) 1 ପାଇଁ ଚୟନ ହୋଇଥିଲେ, ପୁଣି ସମସ୍ତେ ପ୍ରତ୍ୟେକ ୯୯ ପ୍ରତିଶତ ସ୍କୋର କରିଥିଲେ, ଯାହା ଅବିଶ୍ୱସନୀୟ। ଏହି ବର୍ଷର ପରୀକ୍ଷା ପାଇଁ ପଞ୍ଜୀକରଣରେ ୧ ଲକ୍ଷ,୨୯ ହଜାର,୧୫୪ ପୁରୁଷ ଓ ୧ ଲକ୍ଷ ୩ ହଜାର ୭୬, ୮ ସହ ୩୧ ଜଣ ମହିଳା ଏବଂ ୧୩ ତୃତୀୟ-ଲିଙ୍ଗ ପରୀକ୍ଷାର୍ଥୀ ରହିଥିଲେ।
ତେବେ ଚଳିତ ବର୍ଷ ରେଜଲ୍ଟ ଭୁଲ ଆସିଥିବା ନେଇ ଅନେକ ଛାତ୍ର ଅସନ୍ତୋଷ ପ୍ରକାଶ କରିଛନ୍ତି। ଜଣେ NEET ଶିକ୍ଷାବିତ୍ NTA ର ମାର୍କିଂ ଯୋଜନାରେ ସ୍ୱଚ୍ଛତା ଦାବି କରୁଥିବା ଏକ ଭିଡିଓ ପୋଷ୍ଟ କରିଛନ୍ତି। ପରୀକ୍ଷା ଦିନ ପୂର୍ବରୁ ସାମ୍ନାକୁ ଆସିଥିବା କାଗଜ ଲିକ୍ ଅଭିଯୋଗକୁ ଏନଟିଆଇ ଖଣ୍ଡନ କରିଥିବାବେଳେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଆହୁରି ପ୍ରଶ୍ନବାଚୀ ସୃଷ୍ଟି କରିଛି। ବିହାର ପୋଲିସର ଇକୋନୋମିକ୍ ଅଫେନ୍ସ ୟୁନିଟ୍ ଏହି ଲିକ୍ ସହ ଜଡିତ ୧୩ ଜଣଙ୍କୁ ଗିରଫ କରିଛି। ଏନଟିଆର ରାଜସ୍ଥାନ କେନ୍ଦ୍ରରେ ପୁନ – ପରୀକ୍ଷା କରିଥିଲା ଯେଉଁଠାରେ ଛାତ୍ରମାନଙ୍କୁ ବିଭିନ୍ନ ପ୍ରଶ୍ନପତ୍ର ଦିଆଯାଇଥିଲା। ଗୁଜୁରାଟ ଏବଂ ଓଡିଶାରେ ଅତିରିକ୍ତ ଅନିୟମିତତା ହୋଇଥିବା ଅଭିଯୋଗ ହୋଇଛି।
NEET-UG ପ୍ରବେଶିକା ପରୀକ୍ଷା ଫଳାଫଳ ଘୋଷଣା ହେବାର ଦିନକ ପରେ, ରେୱା ନାମକ ଜଣେ ୧୮ ବର୍ଷ ବୟସ୍କା ଛାତ୍ରୀ ବୁଧବାର ରାଜସ୍ଥାନର କୋଟାରେ ଆତ୍ମହତ୍ୟା କରି ମୃତ୍ୟୁ ବରଣ କରିଛନ୍ତି। ତେବେ ଦେଶର ଏତେ ବଡ଼ ପରୀକ୍ଷାରେ ଏପରି କିପରି ହୋଇପାରେ ବୋଲି ଅନେକଙ୍କ ପ୍ରଶ୍ନ ଉଠିଛି।
