ରାସ୍ତା କଡ଼ର ଲୁହା ବାଡ଼କୁ ଧକ୍କା ଦେଲା କାର

ଗତକାଲି ଏକ ବଡ ଦୁର୍ଘଟଣା ଯାଜପୁର ଜିଲ୍ଲା,ଧର୍ମଶାଳାରେ ଘଟିଛି. ଯାହାଦ୍ୱାରା,ଜଣେ ମୃତ ଓ ଦୁଇ ଗୁରୁତର ହେବାର ସୂଚନା ମିଳିଛି.. ପ୍ରାଥମିକ ଚିକିତ୍ସା ପରେ ଦୁଇ ଜଣକୁ କଟକ ମେଡିକାଲକୁ ସ୍ଥାନାନ୍ତର କରାଯାଇଛି. ଏମିତି ଏକ ଦୁଖଦ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା,ଧର୍ମଶାଳା ଥାନା ଅନ୍ତର୍ଗତ,16 ନମ୍ବର ଜାତୀୟ ରାଜପଥ ର ତେଜି ଢ଼ାବା ନିକଟରେ ! ସୂଚନା ଅନୁଯାୟୀ ଗତ କାଲି ପ୍ରାୟ ଅପରାହ୍ନ 3 ଟା ସମୟରେ,ଧର୍ମଶାଳା ଥାନା ଅନ୍ତର୍ଗତ ଥାନୁଆଳ ପଞ୍ଚାୟତର ଝାରଷୋଳ ଗ୍ରାମର ବାବୁଲା ଦୋରାଙ୍କ ପୁଅ ସିପନ ଦୋରା ଓ ତିନିଜଣ ସାଙ୍ଗକୁ ଧରି ଏକ ନାଲି ରଙ୍ଗର ସ୍ୱିଫ୍ଟ କାର ଯୋଗେ ଚଣ୍ଡିଖୋଲ ଛକକୁ ଯାଇଥିଲେ ! ସେଠାରେ ଜଣକୁ ଛାଡି ପୁଣି ଜାରକା ଫେରୁଥିବା ସମୟରେ 16 ନମ୍ବର ଜାତୀୟ ରାଜପଥର ତେଜି ଢ଼ାବା ନିକଟରେ ଭାରସାମ୍ୟ ହରାଇ ପ୍ରଥମେ ରାସ୍ତାର ଲୁହା ବାଡ଼ରେ ବାଡେଇ, ପରେ ରାସ୍ତାର କ୍ୟାମେରା ଖୁଣ୍ଟକୁ ଧକ୍କା ଦେଇଥିଲେ !ଯାହା ଫଳରେ ଗାଡିର ଇଞ୍ଜିନ 50 ମିଟର ଯାଏ ଗାଡ଼ିରୁ ବାହାରି ରାସ୍ତା ତଳକୁ ପଡିବା ସହ ଗାଡିର ବ୍ୟାଟେରୀ ବାହାରି ଜଣକ ମୁଣ୍ଡରେ ବାଜି ଗୁରୁତର ହୋଇଥିଲେ ! ଘଟଣା ସ୍ଥଳରୁ ସ୍ଥାନୀୟ ଲୋକ ଏବଂ ଧର୍ମଶାଳା ପୋଲିସ ପହଁଚି ଗୁରୁତର ମାନଙ୍କୁ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ମଧ୍ୟ,ସେଠାରେ ଜଣକୁ ମୃତ୍ୟୁ ଘୋଷଣା କରିବା ସହିତ ଅନ୍ୟ ଦୁଇ ଜଣକୁ ପ୍ରାଥମିକ ଚିକିତ୍ସା ପରେ କଟକ ବଡ଼ ମେଡିକାଲକୁ ସ୍ଥାନାନ୍ତର କରିଛନ୍ତି I